Home / Automobile / നീല നിറത്തില്‍ പുത്തന്‍ കവാസാക്കി നിഞ്ച 650 വിപണിയില്‍; വില 5.33 ലക്ഷം രൂപ
നീല നിറത്തില്‍ പുത്തന്‍ കവാസാക്കി നിഞ്ച 650 വിപണിയില്‍; വില 5.33 ലക്ഷം രൂപ

നീല നിറത്തില്‍ പുത്തന്‍ കവാസാക്കി നിഞ്ച 650 വിപണിയില്‍; വില 5.33 ലക്ഷം രൂപ

പുത്തന്‍ നിറത്തില്‍ കവാസാക്കി നിഞ്ച 650 ഇന്ത്യയില്‍ പുറത്തിറങ്ങി. 5.33 ലക്ഷം രൂപയാണ് നീല നിറത്തിലുള്ള പുതിയ കവാസാക്കി നിഞ്ച 650 യുടെ എക്‌സ്‌ഷോറൂം വില (ദില്ലി).

പുതിയ നിറഭേദത്തിന്റെ പശ്ചാത്തലത്തില്‍ നിലവിലുള്ള ബ്ലാക് നിറഭേദത്തെ നിഞ്ച 650 യില്‍ നിന്നും കവാസാക്കി പിന്‍വലിച്ചു. പുതിയ നീല നിറത്തിലുള്ള നിഞ്ച 650 മോട്ടോര്‍സൈക്കിളിന്റെ ബുക്കിംഗ് കവാസാക്കി ഇന്ത്യയില്‍ ആരംഭിച്ചു കഴിഞ്ഞു.

പരിമിത സംഖ്യയിലാണ് പുതിയ നിഞ്ച 650 മോട്ടോര്‍സൈക്കിളിന്റെ വരവ്. 2016 ഇന്റര്‍മോട്ട് മോട്ടോര്‍സൈക്കിള്‍ ഷോയില്‍ ആദ്യമായി അവതരിച്ച പുതുതലമുറ നിഞ്ച 650 കഴിഞ്ഞ വര്‍ഷമാണ് ഇന്ത്യന്‍ തീരമണഞ്ഞത്.

ലൈം ഗ്രീന്‍, ബ്ലാക് എന്നീ രണ്ട് നിറഭേദങ്ങളിലാണ് പുതുതലമുറ നിഞ്ച 650 ഇന്ത്യയില്‍ എത്തിയതും. ഇപ്പോള്‍ നിരയില്‍ നിന്നും ബ്ലാക് നിറഭേദത്തെ പിന്‍വലിച്ച് പകരം നീല നിറഭേദത്തിലുള്ള നിഞ്ച 650 യെ കമ്പനി അവതരിപ്പിച്ചിരിക്കുകയാണ്.

പുത്തന്‍ നിറഭേദത്തിന് പുറമെ മറ്റു കാര്യമായ മാറ്റങ്ങള്‍ കവാസാക്കിയുടെ പുതിയ എന്‍ട്രി-ലെവല്‍ പ്രീമിയം മോട്ടോര്‍സൈക്കിള്‍ അവകാശപ്പെടുന്നില്ല. 649 സിസി, പാരലല്‍-ട്വിന്‍ എഞ്ചിനിലാണ് കവാസാക്കി നിഞ്ച 650 യുടെ വരവ്.

Courtesy: Drivespark

Leave a Reply

Your email address will not be published. Required fields are marked *

*

Scroll To Top